Жорий йилнинг 16-март куни соат 10:00 да Пайариқ тумани ҳокимлигида Ўзбекистон Республикаси Марказий банки Самарқанд вилоят бош бошқармаси бошлиғининг сайёр қабули бўлиб ўтади. Ҳурматли тадбиркорлар ва тадбиркорлик фаолиятини йўлга қўйиш истагида бўлган фуқаролар қизиқтирган саволлар ва ўз таклифларингиз билан иштирок этишингиз мумкин.

Тумандаги "Баҳор" МФЙда тадбиркор Н.Юнусов ташаббуси билан ўзининг ҳонадонида замонавий жиҳозлар билан жихозланган уй боғчасининг очилиш маросими бўлиб ўтди. Очилиш маросимида туман ҳокими ўринбосарлари Ф.Омонов, Д.Мамасолиева ҳамда маҳалла фаоллари иштирок этди. Жажжи тарбияланувчилар томонидан саҳналаштирилган бадий чиқишлар меҳмонлар эътиборига ҳавола этилди.

Бугун ёшлар билан боғлиқ бўлган бирор бир оддий муаммо, ёки, камчиликка учрайдиган бўлсак, муаммони шу куннинг ўзида ижобий тарафлама ҳал этмасак, унинг эртанги кундаги зиёни албатта биздан катта эътибор ва масъулиятни талаб этиши турган гап. Агар бу муаммо хонадондан маҳаллага, маҳалладан жамиятга раҳна соладиган бўлса, бу каби иллатларга қарши бугундан курашмоғимиз, иллат томирига юксак маънавиятимиз билан зарба бермоғимиз лозим. Бугунги кунда ёшлар ўртасида содир этилиши мумкин бўлган жиноятчилик ва ҳуқуқбузарликларнинг барвақт олдини олиш, билиб билмай турли хил ёд ғоялар таъсирига тушиб қолмасликларини олдини олиш хамда “Профилактика куни” муносабати билан туман ҳокимлиги, туман Ички ишлар бўлими, туман махалла фонди хамда Ўзбекистон ёшлар иттифоқи туман Кенгаши томонидан 2019 йилнинг 14 март куни Халқобод ва  Чоштепа МФЙларда жойлашган  72 ва 82 умумтаълим мактабларида ўқувчи ёшларнинг дарс жараёнларидаги иштирокини ўрганиш мақсадида  “Назорат рейди” ўтказилди.