Янгиликлар

Синов тариқасида аҳолини рўйхатга олишнинг моҳияти

Синов тариқасида аҳолини рўйхатга олиш аҳолини умумий рўйхатга олишга тайёргарлик кўриш ва ўтказишнинг муҳим қисми ҳисобланади.

Хорижий давлатларда, Арманистон, Молдова, Беларусь, Қирғизистон ва Тожикистонда синов тариқасида аҳолини рўйхатга олиш “Аҳолини рўйхатга олиш тўғрисида”ги қонун билан мустаҳкамлаб қўйилган.

Синов тариқасида аҳолини рўйхатга олишда тегшили ҳудуд ёки ҳудудларни танлаб олиш муҳим ҳисобланади. Чунки, мазкур танланган ҳудуд республиканинг бутун ҳолатини ифодалаб бериши керак бўлади.

Хорижий давлатлар тажрибаси ва халқаро тавсияларга кўра, синов тариқасида аҳолини рўйхатга олиш аҳолини умумий рўйхатга олишдан камида 1,5-2 йил олдин амалга оширилиши мумкин.

Жумладан, 2017 йилда Беларусь, 2018 йилда Россия Федерацияси, Қозоғистон, Озарбайжон ва Тожикистонда синов тариқасида аҳолини рўйхатга олиш ўтказилган. 2019 йилда Қирғизистон, Арманистон, Украинада ўтказилиши режалаштирилган.

Кичик саноат зонаси ободонлаштирилди.

Пайариқ тумани ҳокими жорий йил 20 август куни "Челак МТП" ҳудудида ташкил этилган Кичик саноат зонасида амалга оширилаётган саноат лойиҳалари билан жойида бориб ўрганди. Кичик саноат зонаси иштирокчилари билан суҳбатда улардаги мавжуд муаммолар муҳокама қилиниб, ҳал этиш чоралари кўрилди.

Туман ҳокимининг биринчи ўринбосари Ў. Хамроқулов  кўрсатмасига биноан Пайариқ туман "Челак ММТП худудида жойлашган Кичик саноат зонасида 20-21 август кунлари кенг ҳажмли ободонлаштириш ишлари  олиб борилди.  Натижада ушбу ҳудуддаги дарахтларга шакл берилиб, дарахтлар оқланди, йўллар текисланди, ҳудуд атрофлари бегона ўт ва чиқиндилардан тозаланиб таниб бўлмас қиёфага келтирилди. 

2-секторда тадбиркорлар учун Сайёр қабул бўлиб ўтди.

Ўзбекистон Республикаси Бош вазирининг Самарқанд вилояти  Пайариқ тумани тадбиркорлар мурожаатларини кўриб чиқиш қаблухонаси ташаббуси билан Челак транспорт касб-ҳунар коллежида сайёр қабул ўтказилди. Унда туман ҳокимининг иқтисодиёт ва тадбиркорлик масалалари бўйича биринчи ўринбосари Ўткир Ҳамрақулов, туман прокурорининг тадбиркорлик масалалари бўйича ёрдамчиси Жамшид Касимов, тадбиркорлар мурожаатларини кўриб чиқиш қаблухонаси мудири вазифасини бажарувчи Озод Саидов ҳамда тегишли ташкилот ва корхона раҳбарлари қатнашишди. Тадбиркорлик фаолияти билан шуғилланаётган одамлар турли муаммо ва ечимини кутаётган  ўнлаб масала жойида ҳал этилди.

Ташқи савдо айланмаси

Пайариқ туманида 2019 йил 1 август ҳолатига ташқи савдо айланмаси 12908,6 минг АҚШ долларни ва ўтган йилга нисбатан ўсиши 2,6м ни ташкил қилди. Ташқи савдо айланмасида импорт таркибининг улуши  59,6 % ни, экспорт таркибининг улуши 40,4 % ни ташкил қилди.

2015-2019 © Пайариқ туман ҳокимлиги. Сайт яратувчиси: SAKTRM