Ta’lim muassasalarida sport komplekslari qurish va ta’mirlanishi borasida amalga oshirilgan                                                                                   ishlar

Jamiyatimizda sog‘lom turmush tarzini shakllantirish, aholining, ayniqsa, yosh avlodning jismoniy tarbiya va ommaviy sport bilan muntazam shug‘ullanishi uchun zamon talablariga mos shart-sharoitlar yaratish, sport musobaqalari orqali yoshlarda o‘z irodasi, kuchi va imkoniyatlariga bo‘lgan ishonchni mustahkamlash, mardlik va vatanparvarlik, ona Vatanga sadoqat tuyg‘ularini kamol toptirish, shuningdek, yoshlar orasidan iqtidorli sportchilarni saralab olish ishlarini tizimli tashkillashtirish hamda jismoniy tarbiya va ommaviy sportni yanada rivojlantirishga yo‘naltirilgan keng ko‘lamli ishlar amalga oshirilmoqda. Bu boradagi ishlar tumanimizada ham amalga oshirilmoqda misol uchun:

O‘zbekiston Respublikasi Prezidentining 2023-yil 25-dekabrdagi “2024-2026-yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi PQ-404-sonli qaror bo‘yicha Xo‘ja Ismoil mahallasi hududida joylashga 81-umumta’lim maktabining 12x24 o‘lchamdagi sport zali binosi to‘liq mukammal ta’mirdan chiqarilib foydalanishga topshirildi.

2024-yil Tashabbusli buydjet loyihasining 1-mavsumi doirasida tumandagi 2 ta maktabda ya’ni Zarafshon mahallasi hududidagi 89-sonli umumta’lim maktabiga “Bunyodkor Shijoat Quruvchi” XK tomonidan 18x36 o‘lchamdagi hamda Fitrat mahallasi hududidagi 97-sonli umumta’lim maktabiga “U.SH.SABINA” MCHJ tomonidan 18x36 o‘lchamdagi sport zali binolari qurilib foydalanishga topshirildi.

Mahalliy budjet mablag‘lari hisobidan 2 ta maktabda ya’ni Bahor mahallasi hududidagi 11-sonli va Fitrat mahallasi hududidagi 59-sonli umumta’lim maktablaridagi sport zali binolari to‘liq mukammal ta’mirdan chiqarilib foydalanishga topshirildi.

Sport vazirligining mablag‘lari xisobidan tumandagi Do‘stlik mahallasi hududidagi 30-sonli maktab hududidan universal sport maydonchasi, G’allakor mahallasi hududidagi 52-sonli maktab hamda Boshcho‘rosh mahallasi hududidagi 29-sonli maktab hududidan Strit workout maydonchalari qurilib foydalanishga topshirildi.