Жорий йил 13 октябр куни туман ҳокимлиги ва ташкилот раҳбарлари "Олтин қир даласи" фермер хўжалигида бўлишди ҳамда дала меҳнаткашлари билан учрашишди. Учрашув давомида туман ҳокими Д.Мусинов "Олтин қир даласи" фермер хўжалиги раиси Ж. Лапосовга туманда пахта режасини биринчилардан бўлиб бажарганлиги учун телевизор билан тақдирлади ҳамда йиғим-терим ишларида фаол қатнашган бир қатор теримчиларга туман ҳокимлигининг эсталик совғалари топширилди.

Бугун мамлакатимизда декабр ойида бўлажак Олий Мажлис Қонунчилик Палатаси, вилоят, туман ва шаҳар кенгашларига депутатлар сайловига тайёргарлик  ишлари ҳар қачонгидан ҳам қизғин тусга кирган. Агар Олий Мажлис депутати мамлакатимизда умумхалқ аҳамиятига эга қонунларнинг ишлаб чиқилишида бевосита иштирок этса, вилоят, туман ва шаҳар кенгашлари  депутатлари  ўз ҳудудларида ижтимоий-иқтисодий муаммоларининг ечими, халқнинг оғирини енгил қилиш бўйича кўпгина ишларни қиладилар.

2012 йилдан буён ҳар йили 11 октябь юртимизда "Халқаро қизлар куни" нишонланиб келинмоқда. Қизларимиз билан боғлиқ ҳар қандай байрам кунларида, ҳар қайси оила, ҳар қайси хонадонда қадрли опа-сингилларимизни эъзозлаш, энг гўзал ва олийжаноб таърифларни келтиришга интиламиз.
Шу муносабат билан, кеча тумандаги 79-мактабда ЁИ етакчиси ва мактаб сардорлари билан биргаликда "Сиз доимо эътиборимиздасиз" шиори остида тадбир уюштирилди ҳамда байрам муносабати билан, мактаб қизлари ва синфларда сардорлик вазифасида фаолият юритаётган қизларни байрам билан табриклаб, уларга эсдалик совғалари топширилди.

Жорий йил 10 октябр куни туман ишчи гуруҳ аъзолари томонидан ижтимоий муҳитни янада соғломлаштириш, диний мутаассиблик ва радикаллашув ва оммавий маданиятнинг салбий оқибатларини олдини олиш, мавжуд вазиятни барқарорлаштириш мақсадида маҳаллаларда аҳоли маънавиятини янада ошириш мақсадида тумандаги “Истиқлол” маҳалласи ва шу ҳудудда жойлашган 18-мактаб, “Бурқут”  маҳалласи ва шу ҳудудда жойлашган 76-мактабларда ўқувчи-ёшлар билан ҳамда маҳалла гузарлари, жамоат жойларида фуқаролар иштирокида давра суҳбатлари, учрашувлар ўтказилди. Учрашувлар давомида ишчи гуруҳ аъзолари ҳозирда жамиятда рўй бераётган ўзгаришлар, давлатимиз томонидан ёшлар учун берилаётган кенг имкониятлар ҳақида гапириб, уларни турли хил ёт ғоялар таъсирига тушиб қолмасликлари ҳамда ҳуқуқбузарликларни олдини олиш ва ёш авлодни ватанпарварлик руҳида тарбиялаш,
ҳозирги кунда жамиятда учраётган "оммавий маданият"нинг салбий оқибатлари, оилада соғлом турмуш тарзини янада мустуҳкамлаш, интернетдан фойдаланиш маданияти ҳақида тушунчалар берилди.