Бугун туман ишчи гуруҳи томонидан ижтимоий муҳитни янада соғломлаштириш, диний мутаассиблик ва радикаллашув ва оммавий маданиятнинг салбий оқибатларини олдини олиш, мавжуд вазиятни барқарорлаштириш мақсадида маҳаллаларда аҳоли маънавиятини янада ошириш мақсадида тумандаги “Жувозхона” маҳалласи ҳудудида жойлашган 14, 42-мактаблар, “Полвонариқ”  маҳалласи ҳудудида жойлашган 64, 69-мактаб, “Олмазор” маҳалласидаги 94-мактабиларда ўқувчи-ёшлар билан ҳамда маҳалла гузарлари, жамоат жойларида фуқаролар иштирокида давра суҳбатлари, учрашувлар ўтказилди. Учрашувлар давомида ишчи гуруҳ аъзолари ҳозирда жамиятда рўй бераётган ўзгаришлар, давлатимиз томонидан ёшлар учун берилаётган кенг имкониятлар ҳақида гапириб, уларни турли хил ёт ғоялар таъсирига тушиб қолмасликлари ҳамда ҳуқуқбузарликларни олдини олиш ва ёш авлодни ватанпарварлик руҳида тарбиялаш бўйича маърузалари тингланди.

Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси Самарқанд вилояти бошқармасидан олинган маълумотга кўра, 2019 йил 1 октябрь ҳолатида Самарқандда 100 ёшдан ошган пенсия ва нафақа олувчилар 53 нафарни ташкил этади. Узоқ умр кўришда аёллар етакчи экан – 41 нафар.

"Мижоз банк учун эмас, банк мижоз учун". Ушбу шиор остида бугун мижозлар учун ўз иш фаолиятини бошлаган “Халқ банк” Челак филиалининг янгидан қайта таъмирдан чиққан биносининг очилиш маросими бўлиб ўтди.  Тадбирда туман ҳокими Д.Мусинов, "Халқ банк" вилоят бошқарма бошлиғи А.Хаджаев, туман ташкилот раҳбарлари ҳамда кенг жамоатчилик вакиллари қатнашдилар. Очилиш маросимида туман ҳокими Д.Мусинов сўзга чиқиб, барча йиғилганларни ушбу тантана билан табриклади ҳамда “Халқ банк” Челак филиалининг келгусидаги ишларига, банк ходимлари халқ учун хизмат қилишларида маваффақиятлар тилади.
Янгидан қад рослаган бинода мижозлар учун яратилган қулайликлар ва кенг имкониятлар йиғилганларда катта таассурот қолдирди.

Ўзбекистон Республикаси Президентининг 2019 йил 3 майдаги "Маънавий-маърифий ишлар самарадорлигини ошириш бўйича қўшимча чора-тадбирлар тўғрисида"ги ПҚ-4307-сон қарорининг ижроси юзасидан 7-11 октябр кунлари Республика Маънавият ва маърифат маркази ҳузуридаги "Маънавият тарғиботчиси"  таълим муассасасида Пайариқ тумани бўлими ва ташкилот маънавиятчиларининг ўқиш кунлари бошланди.