Шу кеча кундузда Пайариқ тумани Челак шаҳрининг Истиқлол ҳамда Шовқиев кўчаларига 2600 метр масофага асфалт ётқизилди. Ҳудуддаги фуқаролар жуда хурсанд бўлишди. Туманимизда ободонлаштириш ишлари давом этмоқда.

Пайариқ шаҳридаги Аҳоли бандлигига кўмаклашиш марказининг янги биноси фойдаланишга топширилди. Бугунги кунда мутлақо янгича кўриниш касб этган ушбу мажмуанинг очилишига бағишланган тадбирда туман ҳокимлиги ва кенг жамоатчилик иштирок этишди. Тадбирда туман ҳокими Дилшод Мусинов сўзга чиқиб, яратилган шарт-шароитларнинг барчаси шу соҳада меҳнат қилаётган соҳанинг жонкуярлари янада яхши ишлаши учун қилинган, - дея тақидлади. Шундан сўнг, лента кесилиб марказ директори Ойбек Алиқуловга калит топширилди. Тадбирга ташриф бюрган меҳмонлар замонавий мебеллар ва компютер технологиялари билан жихозланган ходимларнинг хизмат хоналарини кириб кўришди. Тадбир қатнашчиларида бу каби ўзгаришлар юқори тассурот қолдирди.

Туман ҳокимлигида туманда фаолият кўрсатаётган тадбиркорлар билан 4 та сектор раҳбарларининг учрашуви бўлиб ўтди. Унда туман ҳокими, 1-сектор раҳбари Д. Мусинов бугунги кунда мамлакатимизда тадбиркорлар учун яратилаётган имкониятлар, уларга кредит, ер ажратиш ва бошқа соҳаларда шароитларнинг яратилишида маҳаллий ҳокимликлар ва секторлар зиммасидаги вазифалар, Пайариқ туманида бу борада қилинаётган ишлар ҳақида гапириб ўтди. 
Шундан сўнг тўртала сектор раҳбарлари тадбиркорларнинг муаммоларини тинглашди. Учрашувда тадбиркор Алишер Рўзиқуловга тадбиркорлигини ривожлантириш учун 200 миллион сўм миқдорида кредит маблағлари берилиши билдирилди. Ушбу масала юзасидан тегишли банкларга вазифалар берилди.
“Очилхон чорваси” масъулияти чекланган жамияти 2016 йил очилган бўлиб, соҳаси чорвачиликка ихтисослашган. МЧЖнинг чорвачилик фермаси мавжуд, аммо тадбиркорга ҳали озуқа экин учун ер берилгани йўқ. Шу масала юзасидан ҳам сектор раҳбарлари чора-тадбирлар белгилаб олишди.
Шунингдек, учрашувда тадбиркорлар Улуғмурод Умрзоқов, Жамшид Амиров ва бошқа бир қанча тадбиркорларнинг ер, кредит, солиқ ва бошқа соҳалардаги муаммолари ҳал этилди.

Бугун "GMFR-AL-BUKHARIY" меҳмонхонасининг қурилишига тумал тоши қўйилди. Ушбу лойиҳа хорижий инвестор "GMFR GLOBAL" (AQSH) томонидан амалга оширилмоқда. Қурилиш ишларига тамал тоши қўйилишига бағишланган тадбирда ҳокимлик вакиллари, кенг жамоатчилик ҳамда оммавий ахборот воситалари вакиллари қатнашишди. Тадбирда туман ҳокими Дилшод Мусинов, Самарқанд вилоят ҳокимининг туризмни ривожлантириш масалалари бўйича ўринбосари Ботир Нуриллаевлар сўзга чиқиб, амалга оширилаётган қурилиш, бунёдкорлик ишлари аҳоли турмуш тарзини яхшилашга хизмат қилишини таъкидлаб тадбиркорнинг ишларига омад тилади. Бир қатор фикр, мулоҳазаларга ўининг самимий миннатдорчилигини билдирар экан "Бу ишларни бажариш мен учун муҳим. Сабаби аждодларимнинг киндик қони тўкилган она юртимга келиш, ватанимнинг ривожи йўлида ўзимнинг ҳиссамни қўшиш кўп йиллик орзуйим, мақсадим эди" дейди инвестор.
"GMFR-AL-BUKHARIY" меҳмонхонаси 2020 йилга қуриб фойдаланишга топширилади. 3 қаватли, 120 ўриндан иборат бўлиб, жами лойиҳа қиймати 2,3 миллион доллар маблағ сарфланиши режалаштирилган.