11-11-2024 10:08
Tuman maktabgacha ta'lim tashkilotlarida amalga oshirilayotgan qurilish ta'mirlash ishlari ko'zdan kechirildi
Tuman maktabgacha ta'lim tashkilotlarida amalga oshirilayotgan qurilish ta'mirlash ishlari ko'zdan kechirildi
Bugun tuman hokimi Isroil Jabborov Bunyodkor, Fitrat, Tomoyrot, Damariq mahallalarida joylashgan 27,37, 53 va 45-son davlat maktabgacha ta'lim tashkilotlarida bo'lib, ularda amalga oshirilayotgan qurilish ta'mirlash ishlari bilan tanishdi. 27 va 45-maktabgacha ta'lim tashkilotlari uchun yangi va zamonaviy binolar qurilmoqda. Tuman rahbari ushbu muassalardagi ishlar bilan tanishish jarayonida, ishlarni sifatli bajarish, kamchiliklarga yo'l qo'ymaslik, kirish yo'laklarini tartibga olish yuzasidan ko'rsatmalar berdi.
Xuddi shunday, 37-bog'cha binosi ham 1974-yilda qurilgan bo'lib, hozirda ancha eskirib, og'ir ahvolga kelib qolgan. Tuman rahbari mas'ullar bilan maskan uchun yangi bino qurish masalasini ko'rib chiqishdi. Qurilish loyihasini ishlab chiqish bo'yicha ko'rsatmalar berdi.
53-sonli maktabgacha ta'lim tashkilotining pol qismidagi cho'kish sabab, faoliyati to'xtatilgan. Tuman rahbari qisqa fursatda ta'mirlash ishlarini yakunlash va foydalanishga topshirish bo'yicha ko'rsatmalar berdi.
Bundan tashqari, Javshar mahallasidan o'tuvchi asosiy yo'l bo'yida qurilishi rejalashtirilayotgan piyodalar yo'lagi loyihasi bilan tanishdi. 1700 metr uzunlikdagi ushbu yo'lak qurilish mahalla hududida transportlar va pyodalar harakatini tartibga solishda juda muhim bo'lib, Isroil Jabborov yo'lak qurish ishlariga ertadan kirishish va qisqa fursatda tugatish kerakligini ta'kidladi. 
