9 октябр куни туман ишчи гуруҳи аъзолари ижтимоий-маънавий муҳитни янада соғломлаштириш, диний мутаассиблик ва радикаллашув ва оммавий маданиятнинг салбий оқибатларини олдини олиш, мавжуд вазиятни барқарорлаштириш мақсадида "Деҳқонобод", "Дўстларобод" ва “Янги ҳаёт” МФЙларда бўлишиб,  маҳалла фаоллари, мулла, отинойи,  аҳоли  ўртасида ва мактабларда учрашувлар ташкил этишди. 
Ана шундай учрашувлар ва давра суҳбатлари  ҳудудлардаги 17-мактаб, 65-мактаб, 66-мактаб ва 93-мактабларининг юқори синфларида ўтказилди. Учрашувлар давомида ёшларни ёт ғоялардан асраш, “оммавий маданият”нинг салбий оқибатларини олдини олиш, оилада соғлом турмуш тарзини ривожлантириш, маҳалладаги тинч вазиятни сақлаш, оилавий низолар ва уларни бартараф этиш, соғлом баркамол авлодни ривожланишида оила, мактаб, маҳалланинг ўрни, ёшларни маънавий соғлом муҳитда вояга етказиш борасида давра суҳбатлари ўтказилди.

Пайариқ туман "Тараққиёт" МФЙ Хазрат Полвон фермер  хўжалигида пахта йиғим-теримида  туман Маданият бўлимига қарашли 5-сон  Кўпаки маданият марказининг хонанда ва созандалари Мажинов Садибек ва Қиличов Нуралилар   томонидан жонли ижродаги қўшиқлари дала меҳнаткашларига маданий хордиқ улашди.

Бугун туман ҳокими Д.Мусинов 4-секторга қарашли "Ҳасан ва Ҳусан" ММТП ҳудудида Ҳазрат Полвон фермер хўжалигидаги пахта далаларини кўздан кечирди ҳамда  теримчилар билан учрашди.  Учрашувда туман ҳокими барча теримчиларни пахта ҳосилини уюшқоқлик билан териш кераклигини айтиб, хирмонларига барака тилади ва  кунлик пахта теримида аъло даражада қатнашаётган теримчиларга ўзининг эсталик совғаларини топширди.

Бугун туман ишчи гуруҳи томонидан ижтимоий муҳитни янада соғломлаштириш, диний мутаассиблик ва радикаллашув ва оммавий маданиятнинг салбий оқибатларини олдини олиш, мавжуд вазиятни барқарорлаштириш мақсадида маҳаллаларда аҳоли маънавиятини янада ошириш мақсадида тумандаги “Жувозхона” маҳалласи ҳудудида жойлашган 14, 42-мактаблар, “Полвонариқ”  маҳалласи ҳудудида жойлашган 64, 69-мактаб, “Олмазор” маҳалласидаги 94-мактабиларда ўқувчи-ёшлар билан ҳамда маҳалла гузарлари, жамоат жойларида фуқаролар иштирокида давра суҳбатлари, учрашувлар ўтказилди. Учрашувлар давомида ишчи гуруҳ аъзолари ҳозирда жамиятда рўй бераётган ўзгаришлар, давлатимиз томонидан ёшлар учун берилаётган кенг имкониятлар ҳақида гапириб, уларни турли хил ёт ғоялар таъсирига тушиб қолмасликлари ҳамда ҳуқуқбузарликларни олдини олиш ва ёш авлодни ватанпарварлик руҳида тарбиялаш бўйича маърузалари тингланди.