Самарқанд вилояти Монополияга қарши курашиш бошқармаси бошлиғи - Бекқулов Азамат Фармонович ўзи ўқиган Пайариқ туманидаги 18-умумтаълим мактаби кутубхонасига китоблар совға қилди.

Пайариқ тумани 4-сектор ҳудудидаги бугунги кун талабига жавоб берадиган, 20-сонли мактабгача таълим муассасаси фойдаланишга топширилди. Мазкур муассаса 120 нафар болажонларимизга мўлжалланган. Ушбу бинонинг очилиш маросимида маҳалла аҳли, айниқса хотин-қизларнинг қувончи, жажжи болажонларнинг бахтли болалик ҳиссиётлари барчани қувонтирди. Туман ҳокими Д.Мусинов тадбир давомида сўз олиб, маҳалла аҳлини мазкур маскан очилиши муносабати билан қизғин табриклади. Шундай тарбия ўчоғини барпо этилишига имконият яратиб берган Юртбошимизга чексиз миннатдорчилик билдирилди.

Президентимиз ташаббуси билан юртимизда ёшлар ўртасида китобхонликни тарғиб қилиш, ёшларни адабиётга бўлган меҳрини ошириш мақсадида жойларда кўплаб лойиҳалар амалга оширилмоқда. Ўзбекистон ёшлар иттифоқи Пайариқ туман Кенгаши раиси туман ёшлар етакчиси Жамшид Ахунов ўзи таҳсил олган 78-умумтаълим мактабига ташриф буюриб бадиий китоблар тўпламини тақдим этди ва ўқувчилар билан яқиндан суҳбатлашиб, уларнинг ўқишларига ва келажакдаги режаларига қизиқди хамда уларни эл-юрт, ватан корига ярайдиган комил инсон бўлиб етишишларида китоб мутолаасининг ўрни беқиёслигини таъкидлаб ўтди ва ўқувчиларни кўпроқ китоб мутолаа қилишга чақирди.

Туманимизнинг ''Туркибола'' махалласида ''Обод қишлоқ'' дастури доирасида маҳалла фаоллари, сектор раҳбари бошчилигида ҳокимият вакиллари, туман прокуратураси ходимлари ва тегишли ташкилотлар вакиллари иштирокида хонадонларга кириб эскирган иморатларни бузиб янги иморатлар қуришга, ҳовлилар атрофини обод қилишда кўмаклашишга аҳоли ўртасида тушунтиришлар олиб борилди. Бу ҳаракатлар ўз самарасини берди ва фуқаролар об-ҳавонинг ноқулайлигига карамасдан ишга тушиб кетишди.
Маҳалла марказидаги эскириб колган болалар боғчаси ўрнида замонавий типдаги янги боғча қурилиши ҳам бошлаб юборилди.