Пайариқ туманида жами 65 та маҳалла фуқаролар йиғини мавжуд бўлиб, бугунги кунда йигирмага яқин маҳалла марказларида қурилиш ва таъмирлаш ишлари давом этмоқда.

Туманга тақсимланган вакцина билан аҳолини белгиланган гуруҳларини яъни 65 ёшдан катта ва тиббиёт ходимларни коронавирусга қарши эмлаш ишлари жорий йилнинг 7 апрелидан бошланган эди.

Мамлакатимизда ишсиз ёшларни бандлигини таъминлаш, "Ёшлар дафтари" га киритилган ёшларни касбга ўқитиш орқали уларни малакасини ошириб, бирор касбнинг эгаси бўлиб етишишларида кенг кўламли ишлар олиб борилаётган бўлиб, бу борада Пайариқ туманида ҳам бир қатор ижобий ишлар амалга оширилмоқда.

Бугун "Гулистон" қишлоғи аҳолиси учун қувончли кунлардан бири бўлди. Сабаби, бир неча йиллардан буён "Бешқўрғон" маҳалласи "Гулистон" қишлоғидан ўқувчилар қарийб 7 км узоқликдаги 16-умумтаълим мактабига бориб ўқишаётган бўлса, бугун ушбу макткабнинг янгидан замон талаблари асосида барпо этилган филиали фойдаланишга топширилди.